"Реал" яримҳимоячиси Испания чемпионатининг 8-турида "Леванте"га қарши учрашувдаги йирик ҳисобдаги ғалабадан сўнг (5:0) фикрлари билан ўртоқлашди.
22 ёшли футболчи жамоасининг бешинчи голи муаллифи бўлди.
"Мен ҳали ёшман. Ўз устимда ишлашим керак. Бунинг учун ўйнашим керак. Бош мураббий мени майдонга туширганидан бахтиёрман. Умид қиламанки бутун мавсумда жамоага фойдам тегади. Гол урганимдан жуда хурсандман.
Кўпчилик футболчилар ўз термаларидан қайтганларини ҳисобга олганда, жамоамиз кўрсатган ўйин менга ёқди. Мавсумга тўла тайёрмиз. Бизни "Энфилд"да қийин учрашув кутиб турибди. Аммо "Реал" ажойиб ўйин кўрсатади. Шу тарзда давом этишига умид қиламан", - дейди Иско.
