Бразилия терма жамоаси футболчилари ташқи кўриниш ва ўзини қандай тутиш борасида ёзма огоҳлантирилдилар.
Бош мураббий Дунганинг ташаббуси билан футболчиларга терма жамоа қароргоҳида сирға тақиш, кепка ва чўмилиш шиппаклари кийиш тақиқланди. Шунингдек терма жамоа тушлик қилаётган ва йиғилиш вақтларида уяли телефонлардан фойдаланилмайди.
Хатда, шунингдек, ўйин олдидан мамлакат гимнини куйлаш, диний ва сиёсий гаплардан йироқда бўлиш эслатилган. Яна телефон ҳисобига ўзбошимчалик билан пул тўлаш ва ортиқча юкларга жарима тўлаш ҳам ман этилмоқда.
Дунга буни қатъий тақиқ ҳисобланмасликни айтмоқда, аммо қоидаларга амал қилмаганлар терма жамоадаги жойидан айрилишини эслатмоқда.
