Латвия Футбол Федерацияси мамлакат полицияси ва УЕФА ёрдамида Латвия Чемпионати ва хорижда бир нечта келишилган ўйинларни ташкил қилганликда айбланган бир қатор шахсларни қўлга олди.
Латвия ОАВ хабар беришича келишилган ўйинларни ташкил этишда гумонланиб суриштирув ишлари учун чақирилганлар орасида Латвиянинг "Даугава" клуби бош мураббийи Иван Табанов ва жамоа футболчилари Алексдандр Власов ҳамда Евгений Космачевларнинг номи келтирилган. Латвия Футбол Федерацияси президенти Гунтис Индрексонс эса, радио орқали чиқиш қилиб келишилган ўйинларда иштирок этган барчани мамлакат футбол федерациясига ташриф буюриб ўз айбларига иқрор бўлишлари кераклигини айтиб ўтган.
Эслатиб ўтамиз, 2013 йилнинг октябрь ойида "Даугава" клубинининг собиқ ҳужумчиси Стэнли Ибе клубдаги барча ўйинчилар бундай ўйинлардан хабардор эканлиги ва клуб мураббийи ва футболчилари бунинг учун пул ҳам олганлигини айтган эди.