Лондоннинг "Арсенал" клуби бош мураббийи Арсен Венгер ўзидан сўнг жамоани айни дамда "Реал" ёрдамчи мураббийи бўлиб турган Арно Клемент бошқаришини истамоқда.
Айни дамда Арсен Венгерга "Арсенал"да ассистентлик қилаётган Стив Боулд ҳам лондонликларнинг янги бош мураббийлигига номзодлар қаторида тилга олинмоқда. Аммо, Венгернинг ўзи бу борада бошқачароқ фикрда. Унинг айтишича, айни пайтда "Реал"да Карло Анчелоттининг ёрдамчиси ҳисобланган Пол Клемент "Арсенал"нинг янги бош мураббийлигига муносиб номзод.
Маълумот учун, Пол Клемент Карло Анчелоттига "Челси" ва "ПСЖ" клубларида ҳам ассистентлик қилган.
Эслатиб ўтамиз, мавсум аввалида Арсен Венгер "Арсенал" билан янги 3 йиллик шартномага имзо чеккан. Маълумотларга кўра, мазкур шартнома муддати якунига етгач, франциялик мураббий "Арсенал"ни тарк этади.