Душанба куни ЖАР полицияси мамлакат термаси ва "Орландо Пайретс" клуби дарвозабони Сензо Мейива рақобатчи жамоаларнинг мухлислари томонидан ўлдирилганини инкор қилди.

"Биза буюртма қотилликка оид далиллар йўқ", - дейди полиция генерал-майори Норман Таиое. У шунингдек, Мейиванинг дугонаси актриса ва қўшиқчи Келли Кумалони безорилардан ҳимоя қилиб ҳалок бўлганини ҳам рад этди.

Таиоенинг айтишича, Кумалонинг Йоханнесбург яқинидаги уйида бўлган етти киши уйларига тарқалмоқчи бўлиб эшикни очишганда иккибосқинчи кириб, телефон ва пул талаб қилади. Жанжал ва муштлашув бошланади. Ўт очиш қуроли отилади. Ўқ Мейивага тегади. "Ҳеч ким атайлаб отмаган", - дейди Таиое. Жиноятчилар қочаётган вақтда, кўчада яна икки марта ўқ узилади, ҳеч ким жабр чекмаган.

Полиция жиноятчиларни топишда ёрдам берганларга 150 мингдан 250 минг рандгача (23 минг доллар) мукофот ваъда қилган.

"Биз учун бутун дунёни эътиборини тортган ушбу жиноятни очиш жуда муҳим. Тергов ишларини тезлаштиришимиз керак", - полиция комиссари Риа Пиега хоним.