Англия полицияси "Ливерпуль" ҳужумчиси Марио Балотеллига нисбатан қўзғатилган суриштирув ишларини ёпди.
Эслатиб ўтамиз, футболчи нотаниш аёлга нисбатан тажовузкорона муносабатда бўлгани борасида айбланган эди.
Ўтган ҳафтада Балотелли ўзининг "Феррари" машинасини суратга олатган аёлни кўриб қолади. Жабрланувчининг сўзларига қараганда, Марио унга "хавф соладиган масофагача яқин келган" ва суратга олишни бас қилишни талаб қилган. Шундан сўнг футболчи таҳдидларга ўтган.
Охир-оқибат аёл полицияга шикоят хати ёзишни истамади ва иш ёпилди.
Эслатиб ўтамиз, аввалроқ "Ливерпуль" кўча жанжалларидан сақлаш учун Балотеллига махсус қўриқчи қўшиб қўйган эди.
