Англиянинг "Манчестер Юнайтед" клуби ҳужумчиси Уэйн Руни Премьер-Лиганинг 10-турида ҳамшаҳарлари "Манчестер Сити"га қарши дербида майдонга тушиши мумкин. Аввалроқ, ҳужумчи машғулотлардан бирида жароҳат олган ва "Сити"га қарши баҳсни ўтказиб юбориши мумкинлиги ҳақида хабарлар тарқалган эди. Маълумотларга кўра, футболчи айни дамда ўзини яхши ҳис қилмоқда ва муҳим баҳсда майдонга тушиши мумкин.
Эслатиб ўтамиз, "МЮ" сардори "Вэст Ҳэм"га қарши ўйинда рақибига нисбатан қўпол ўйнагани учун майдондан четлатилган ва 3та ўйинга дисквалификация қилинган эди. Аммо, ҳужумчи "Сити"га қарши ўйинда майдонга тушиши мумкин, сабаби дисквалификация муддати "Сити"га қарши ўйиндан олдин якунига етган.