"Бавария" бошқаруви раиси Карл-Хайнц Руммениггенинг фикрича, ҳамон жамоанинг собиқ устози Луи ван Галнинг ғоялари бўйича ўйнамоқда.
"Гвардиола - даҳо. Аммо жамоамизнинг тўп назоратига асосланган ўйинини кузатиб, унинг чашмалари Ван Галга бориб тақалишини сезасан. Ўз вақтида биз Ван гал билан шартнома тузганимизда, ундан жамоага тактик ва техник тарафдан янги фалсафа олиб киришини хоҳлаган эдик. У бунинг уддасидан чиқди", - дейди Румменигге.
Бундан ташқари Румменигге "МЮ" клуби голланд мутахассисини таклиф қилишдан аввал ўзидан маслаҳат сўраганликларини, у эса Ван Гал шаънига жуда илиқ гаплар айтганини ва Англи клубига бу йўлда сабр ва қийинчиликларга бардош тилаганлигини айтиб ўтди.
Эслатиб ўтамиз, Ван Гал 2009 дан 2011 йилгача "Бавария"ни бошқарган. 2009/10 мавсумда Германия чемпионлиги ва Кубогини қўлга киритиб, чемпионлар лигаси финалигача етиб борган. Финалда "Интер"га 0:2 ҳисобида бой берган.
