ПараОсиё ўйинларининг ўзбекистонлик ғолиб ва совриндорлари Осиё ўйинлари медаллари соҳиблари билан бир хил миқдорда пул мукофотларига эга бўлади, дея хабар бермоқда «Газета.uz». Daryo.uz’нинг хабар беришича, тегишли қарор Ўзбекистонда паралимпия спортини ривожлантириш, шунингдек ПараОсиё ғолиб ва совриндорларини рағбатлантириш мақсадида 27 октябрь куни Президент Ислом Каримов томонидан имзоланган.

Ўзбекистон Президентининг 2006 йил 20 декабрдаги фармонига киритилган ўзгартиришларга кўра, Осиё ва ПараОсиё ўйинлари ғолиб ва совриндорлари олтин медаль учун 5000 доллар, кумуш медаль учун 3000 доллар, бронза медаль учун эса 2000 доллар пул мукофотларини қўлга киритади.

«Газета.uz»нинг қайд этишича, 18-24 октябрь кунлари Жанубий Кореянинг Инчхон шаҳрида бўлиб ўтган II ПараОсиё ўйинларида Ўзбекистон спортчилари 22та олтин, 5та кумуш ва 4та бронза медалга эга бўлган эди. Президент қарори билан мусобақанинг ғолиб ва совриндорлари пул мукофоти билан тақдирланган эди.