"Ювентус" бош мураббийи Массимилиано Аллегри ЕЧЛ гуруҳ босқичининг 4-турида "Олимпиакос" билан учрашув олдидан ўз фикрлари билан ўртоқлашди. Аллегрининг айтишича, унинг жамоаси эртага нафақат ғалаба қозонмоқчи, балки тўплар нисбатини ҳам яхшилаб олиш ниятида экан.

"Биз хотиржамликни сақлашимиз ва диққатимизни бир жойга тўплаб олишимиз даркор. Тезкор футбол кўрсатиш керак. Олдиндаги 95 дақиқа давомида биз ЕЧЛдаги ўз келажагимиз учун ўйнаймиз. Ғалаба қозонишимиз шарт. Биз техник томондан Грециядаги ўйиндагига қараганда яхшироқ ўйнашимиз керак (ўшанда тўп оширишларда кўп хатога йўқ қўйгандик, айниқса биринчи таймда).

Мақсадимиз - ғалаба, шунингдек, биз икки тўп фарқи билан ўйинни якунламоқчимиз. Сабаби бу ўзаро ўйинларни ҳисобга олишга тўғри келганида қўл келиши мумкин. Лекин аввал уч очкони қўлга киритиш, сўнгра тўплар нисбати ҳақида ўйлаш керак. Биз гуруҳда бир нечта ажойиб ўйинлар ўтказдик ва уч очкодан кўпроғида лойиқмиз", - дея Аллегрининг сўзларидан иқтибос келтирмоқда УЕФА расмий сайти.

Эслатиб ўтамиз, Грецияда ўтган ўйинда "Ювентус" мезбонларга 0:1 ҳисобида имкониятни бой берганди. Айни вақтда жамоа гуруҳ етакчиларидан 3 очко орқада қолган ҳолда гуруҳнинг 3-поғонасини банд этиб турибди.