Бугун Лондонда АТРнинг якуний мусобақасига қуръа ташлаш маросими бўлиб ўтди. Лондонда ўтадиган ушбу турнирда дунёнинг энг кучли 8 нафар теннисчиси иштирок этишади.

Қуръа натижаларига кўра, "А" гуруҳидан Новак Жокович (Сербия), Стэн Вавринка (Швейцария), Томаш Бердих (Чехия) ва Марин Чилич (Хорватия) ўрин олишган бўлса, "В" гуруҳида Рожер Федерер (Швейцария), Кей Нишикори (Япония), Энди Маррей (Буюк Британия) ва Милош Раонич (Канада) баҳс юритишади.

Мазкур мусобақа 9-16 ноябрь кунлари Лондонда ташкил этилади. Турнирнинг мукофот жамғармаси 6.500.000 долларни ташкил этади.