"Арсенал" бош мураббийи Арсен Венгер чемпионлар лигаси гуруҳ босқичининг 4-турида "Андерлехт"га қарши учрашувдаги дуранг натижадан (3:3) қониқмаганлигини билдирди.

"Омадимиз келмади. "Андерлехт" биринчи голини оффсайддан урди. Аммо биз диққат-эътиборни йўқотдик ва ғалаб қўлимизда деб ўйладик. Биринчи дақиқадан охиргисигача ғимояда жуда ёмон ўйнадик. Ҳисоб 3:2лигида эҳтиёткор ўйнашимиз лозим эди. Ҳимояда жуда тартибсиз ўйнадик.

Мен ғазабланганманми ёки афсусдаманми? Униси ҳам, буниси ҳам. Навбатдаги ўйинни ютишимиз керак ва гуруҳда биринчи ўринни олиш имкониятимизни чамалашимиз керак. 1/8 финалга чиқиш учун яна бир очко етишига ишонаман. Аммо уни ишлаб олиш керак", - дейди Венгер.