Бугун «Олтин бутса»ни қабул қилиб олган «Реал» ҳужумчиси Криштиану Роналду индивидуал совринлар борасида ўз фикрларини билдириб ўтди.

– Ҳар кимнинг ўз фикри бор, аммо мен тарихдаги энг яхши футболчи бўлишни истайман ва бунинг учун барча ишни амалга ошираман. Тарихни эса қадамба-қадам ёзиб бораман. Фаолиятимни якунлаганимда эса энг яхшилар орасидан жой олишни истайман, ишончим комил, шундай бўлади.

– Демак, сиз барчадан кўра кўпроқ индивидуал совринларни қўлга киритмоқчисиз?
– Саволнинг бундай қўйилишини истамайман. Январь ойида «Олтин тўп» соврини топширилади. Ҳозирча ҳаммаси яхши кечмоқда, кўп гол уряпман. Ўз имкониятларимни майдонда кўрсатаман, футболни тушунадиганлар учун бу етарли.

– «Олтин тўп»ни қўлга киритмасангиз, бундан ҳайрон бўласизми?
– Йўқ, сўнгги 6, 7 ёки 8 йилдан бери мен ҳеч нарсага ҳайрон бўлмаяпман. Ҳар қандай воқеалар ривожига тайёр бўлиш керак. Мен шундоқ ҳам бахтлиман, фақат мени риёкор деб ўйламанг. Мен учинчи марта «Олтин тўп»ни қўлга киритишни истардим, аммо бу истак йўлида муккамдан кетмаганман. Барча нарсанинг ўз вақти бор. Ишларим жойида, гол уришда давом этишим керак.