"Манчестер Сити" клуби "Бавария"бош мураббийи Хосеп Гвардиолага қизиқмоқда, дея хабар беради Mirror.
Манбада келтирилишича, Англия клуби мавсум якунига етгач, испаниялик мутахассис билан музокараларга киришмоқчи. Бу иш, агар жамоанинг ҳозири устози Мануэль Пеллегрини ўз вазифасини яхши бажара олмаган тақдирда рўй бериши мумкин.
"Манчестер Сити" спорт директори Чики Бегиристайн ва клуб ижрочи директори Ферран Сориано Гвардиоланинг имкониятларини яхши билади. Улар бу мутахассис қўл остида "Сити"нинг чемпионлар лигасида ғолиб чиқишига ишонмоқдалар.
"Бегиристайн ва Сориано Гвардиола билан яхши муносабатдалар. Биз пепнинг қачонлардир "Сити"да ишлашига ишонамиз. Одмалар унинг "Бавария" билан шартномаси борлигини назарда тутиб, бу ишнинг рўёбга чиқиши қанчалик яқин эканлигини сўрамоқдалар. Кўрамиз, ёзда нималар содир бўлар экан", - дейди клуб расмий вакилларидан бири.
Эслатиб ўтамиз, "Манчестер Сити" ЕЧЛда ўз гуруҳида сўнгги ўринда бормоқда, премьер-лигада эса учинчи ўринда бормоқда.
