"Арсенал" бош мураббийи Арсен Венгер ЕЧЛ доирасидаги "Андерлехт"га қарши Лондонда бўлиб ўтган ўйин хусусида гапирар экан, дарвозалар ортида турган ҳакамларни танқид қилиб ўтди.

"Биз ҳар сафар Женевага борганимизда Коллина бизга бешинчи ҳакамнинг қанчалик ҳайратланарли янгилик бўлгани ҳақида гапиради. Лекин мана, "Андерлехт"нинг биринчи голи вақтида олинган фотосуратларга қаранг, шунда тушунасиз: бу, шунчаки, ақлга сиғмайди! Дарвоза орқасидаги ҳакам ўйиндан ташқари ҳолатда қолган ўйинчининг рўпарасида турибди ва ҳеч нарса демаяпти. Дарвозалар ортидаги ҳакамларга нима учун пул тўлашаётганини билмайман. Бу, умуман, футбол томоша қиладиган барчанинг фикри. Уларга ўриндиқ сотиб олиб бериб, қўлларига яхши китоб ҳам бериб қўйиш керак", - дея Венгердан иқтибос келтирди ВВС.