"Эвертон" ва "Манчестер Юнайтед" клубларининг собиқ устози Дэвид Мойес "Реал Сосьедад" билан шартнома бандларини келишиб олди.
Шотландиялик мутахассиснинг шартномаси 2016 йилгача мўлжалланади, дея хабар беради клуб расмий сайти. У 3 ноябрь куни "Малага" билан учрашувдан сўнг (0:1) истеъфога чиқарилган Ягоб Аррасатенинг ўрнини эгаллайди.
Клуб Испания чемпионатининг 15-поғонасини банд этган. Эслатиб ўтамиз Дэвид Мойеснинг аввалги иш жойи "Манчестер Юнайтед" бўлган эди ва клуб учун энг паст ўрин - 7-поғонани эгаллагани учун истеъфога чиқарилган эди.
