Сербиялик таниқли мутахассис Бора Милутинович айни дамда Ўзбекистонда бўлиб турибди. Мутахассис “Бунёдкор” стадионига ташриф буюрди, дея хабар беради "Бунёдкор" клуби расмий сайти.
Таниқли мутахассис “Бунёдкор” стадионида яратилган шароитлар билан яқиндан танишди. Мутахассис стадион худудидаги музей, кийим алмаштириш хонаси ва майдон ҳолатини кўздан кечирди.
- “Бунёдкор” стадиони барпо этилгани ҳақида аввал эшитгандим. Ушбу стадионда бўлиб, у билан яқиндан танишганимдан жуда хурсандман. Бундай замонавий ареналар футбол ривожи учун хизмат қилади. Ўйлайманки, бу стадионда катта футбол ўйинлари ҳали жуда кўп бўлиб ўтади, - дейди Бора Милутинович.
Эслатиб ўтамиз, авалроқ Милутуновичнинг Ўзбекистон терма жамоасида Миржалол Қосимовга ёрдам бериши ҳақида хабарлар тарқалган эди.
