Спортга ва янги технологияларга ихтисослашган "Digital Sports Media" агентлиги ижтимоий тармоқлардаги энг оммабоп клублар борасида изланиш олиб борди. Таҳлил давомида клубларнинг Facebook, Twitter, YouTube, Instagram ва Google+ даги саҳифалари аъзолари сони инобатга олинди.

Обуначилар сони (117 млн. кишидан ортиқ)га кўра, дунёнинг энг машҳур клуби "Барселона" бўлиб чиқди. Иккинчи ўринни «Реал» эгаллади (108 миллион кишидан ортиқ), учликни эса «Манчестер Юнайтед» (70 миллиондан ортиқ) банд этди.

Англиянинг яна икки жамоаси – «Челси» (50 миллион) ва «Арсенал» (39,6 миллион) кучли бешликка киришди.

Таъкидлаш лозим, "Барселона"нинг турли ижтимоий тармоқлардаги саҳифалари обуначилари сони 2014 йилда 60 миллион кишига кўпайган.