«Барселона» ҳужумчиси Луис Суарес ФИФАнинг футболчини «Олтин тўп»га даъвогарларнинг кенгайтирилган рўйхатига киритилмагани борасида ўз фикрларини билдириб ўтди.

«Ишончим комил, ЖЧ-2014 туфайли мени "Олтин тўп"га даъвогарлар сафига киритишмади. У ҳолда Мундиалда ҳеч нарса кўрсата олмаган футболчиларни ҳам инобатга олиш керак эди.

Бундай нарсалар дилни хира қилади, боиси мен ўтган мавсумда «Ливерпуль» учун кўп ишлар қилдим. Боз устига, футболда ҳамиша иккинчи имконият бор. Мен ундан фойдаланаман.

Голлар ура олмаётганим учун хавотирда эмасман. Мен гол урмасам ҳам, биз ғалаба қозонсак, бундан фақат хурсанд бўламан. Лекин мен ўзим ўйнашни орзу қилган жамоа футболкасида гол уришни истайман.

Мендан ҳеч қачон ортиқча вазн бўлмаган. Луис Энрике "Озғин Суаресни қаерда кўргансиз?" деганида ҳақ эди. "Барса" шикофорларининг айтишича, мен организмида энг кам фоиз ёғга эга бўлган 6 футболчининг бириман.

«Барселона»да мени руҳан қўллаб-қувватлашяпти ва клуб ҳамиша мен билан ҳамнафас», – дейди Суарес.