Пляж спорт турлари бўйича Таиланднинг Пхукет шаҳрида ўтказилаётган Осиё Ўйинларида иштирок этаётган Ўзбекистон пляж футболи терма жамоаси мусобақани мағлубият билан бошлади.
Бугун эрталаб Хитойга қарши баҳс олиб борган Аҳад Юсупов шогирдлари 2:4 ҳисобида имкониятни бой беришди. Биринчи бўлимда ҳисоб очилмади. Иккинчи бўлимда ўзбекистонликлар Жамолиддин Шарипов ва Феруз Фахриддиновнинг голлари эвазига 2:0 ҳисобида олдинга чиқиб олишди. Бўлим сўнгида хитойликлар битта жавоб тўпини киритишди. Учинчи бўлимда эса Хитой 3та гол уришга муваффақ бўлди ва ғалабани илиб кетди.
Ўзбекистон терма жамоаси 17 ноябрь куни Баҳрайнга қарши 2-тур баҳсини ўтказади. Гуруҳда дастлабки 2та ўринни эгаллаган жамоа чорак финалга чиқади.
Пляж спорт турлари бўйича Осиё Ўйинлари
Пляж футболи, "С" гуруҳи
ХИТОЙ - ЎЗБЕКИСТОН - 4:2
Голлар: Кай Ве Минг (22), Ван Чао (26, 29), Хан Суе Генг (35) — Жамолиддин Шарипов (13), Феруз Фахриддинов (19)
Ўзбекистон (асосий): Акмал Чориев, Фарҳод Мираҳмедов, Арслон Шаропов Феруз Фахриддинов, Жамолиддин Шарипов
Захира: Олег Тукмаков, Тоҳир Абдураззоқов, Фахриддин Самегов, Зоҳид Ибрагимов, Жасур Ўрунов
