Швеция терма жамоаси ҳужумчиси Златан Иброҳимович Францияга қарши сафарда ўтадиган ўртоқлик ўйинида товонидаги жароҳати туфайли иштирок эта олмайди. Бу ҳақда Швеция футбол федерацияси расмий сайти хабар бермоқда.
Ушбу жароҳат 33 ёшли футболчини сентябрь ойидан буён безовта қилиб келади.
Кеча Иброҳимович Евро-2016 саралаши доирасидаги Черногорияга қарши ўйинда асосий таркибда майдонга тушиб, тўлиқ вақт ҳаракат қилди ва битта гол уришга муваффақ бўлди. Учрашув эса 1:1 ҳисобидаги дуранг билан якун топди. Французларга қарши ўйин эса 18 ноябрь куни бўлиб ўтади.