Англия терма жамоасининг яқин келажакдаги ўртоқлик учрашувлари бўйича режалари маълум бўлди. Инглизлар келгуси йили Германия, Италия, Франция ва Ирландияга қарши ўртоқлик ўйинларида майдонга тушадилар. Шунингдек, Голландия ва  Испания термалари билан ҳам музокаралар олиб борилмоқда. Бу ҳақда бош мураббий Рой Хожсон шундай деди:

"Келгуси мавсум учун спарринг-рақиблар қидириб, Франция, Испания, Италия, Германия ва Ирландия каби жамоаларга рўбаро келганимиз кишининг кайфиятини кўтариб юбормоқда. Бу ўйинларнинг барчаси бизни Евро-2016 саралаш ўйинларига тайёрланишимиз учун асқотади, улар айни керакли баҳслар бўлади. Ушбу имтиҳонларни сабрсизлик билан кутамиз", - дейди Хожсон.

Хабарларда аниқлик киритилишича, Ирландия билан ўйин 7 июль куни Дублинда, "Франция"га қарши баҳс эса 17 ноябрь санасида "Уэмбли"да ўтказилиши белгиланган бўлса, немислар ва итальянлар билан учрашувлар март ойида сафарда ўтказилиши кўзда тутилган.