22 ноябрь, шанба куни "Пахтакор" ва Тбилисининг "Динамо" жамоаси фахрийлари Тошкентда ўртоқлик ўйинини ўтказади.

Учрашув Грузиянинг "Динамо" жамоаси Собиқ Иттифоқ чемпионатида илк бор олтин медалларни қўлга киритганига 50 йил тўлиши муносабати билан ўтказилади. 1964 йил "Динамо" биринчи ўрин учун "Пахтакор" стадионида ўтган "олтин" ўйинда "Торпедо"ни 4:1 ҳисобида мағлубиятга учратиб, ўзининг илк чемпионлигини нишонлаган. Ушбу тарихий воқеани муносиб нишонлаш мақсадида тбилисиликларнинг фахрий футболчилари Тошкентда "Пахтакор" фахрийлари билан беллашувда майдонга тушишади.

Тошкентга Грузия футболи фахрийларидан Владимир Баркая, Георгий Сичинава, Александр Чивадзе, Владимир Гуцаев, Отар Габелия, Нукри Какилашвили ва Каха Цхададзе ташриф буюради.

"Пахтакор" расмий сайти тбилисиликларнинг фахрий футболчи меҳмонлари ҳақида маълумот бериб ўтади.
 
Владимир Баркая,
СССР чемпиони: 1964 (Тошкентдаги ўйин қатнашчиси)

Георгий Сичинава,
СССР чемпиони 1964 (Тошкентдаги ўйин қатнашчиси)
1966 йил Англиядаги жаҳон чемпионати иштирокчиси (4-ўрин)

Александр Чивадзе,
СССР чемпиони: 1978
СССР Кубоги соҳиби: 1976, 1979
УЕФА Кубок эгалари Кубоги соҳиби: 1981
СССРнинг энг яхши футболчиси: 1980
Мавсумнинг энг яхши 33 футболчиси рўйхатидан 8 бор жой олган
Олимпиада ўйинлари бронза медали совриндори: 1980
УЕФА "Хизматлари учун" ордени соҳиби: 2001

Владимир Гуцаев,
СССР чемпиони: 1978
СССР Кубоги соҳиби: 1976, 1979
УЕФА Кубок эгалари Кубоги соҳиби: 1981
Ёшлар ўртасида Европа чемпионати ғолиби: 1976

Отар Габелия,
УЕФА Кубок эгалари Кубоги соҳиби: 1981
СССР чемпиони: 1978
СССР Кубоги соҳиби: 1979
СССРнинг энг яхши дарвозабони: 1979

Каха Цхададзе,
Грузия чемпиони: 1990, 1991
Россия чемпиони: 1992 («Спартак» Москва)

Эртага "Динамо" сафида майдонга тушиш учун ташриф буюрадиган футболчилар билан таништириб ўтамиз.

Барча мухлисларни ушбу учрашувни стадионда томоша қилишга таклиф этамиз. 22 ноябрь, шанба куни соат 13:30да "Пахтакор" ва "Динамо" Тбилиси фахрий юлдузлари ўйинига ташриф буюринг!