Бугун Тошкент шаҳар болалар-ўсмирлар чемпионатидан ўрин олган қолдирилган баҳслар ўтказилди.

"Пахтакор" футбол мактабининг 1999 йилда туғилган тарбияланувчилари "Бунёдкор" футбол мактаби ўйинчиларига қарши майдонга тушиб, 1:0 ҳисобида ғалаба қозонишди. Мазкур баҳсда "пахтакорчилар"ни фақат ғалаба қониқтирарди, "Бунёдкор-99" чемпион бўлиши учун эса дуранг ҳам кифоя эди.

Биринчи таймда ҳисоб очилмади, иккинчи бўлимда "Пахтакор-99" аъзолари томонидан киритилган ягона гол Рустам Қурбонбоев шогирдларига шаҳар чемпионлигини тақдим этди. Биз бу ғалаба билан ушбу ёшдаги футболчиларимизни табриклаб қоламиз.

Ундан аввал ўтказилган 2002 йилда туғилган футболчилар ўртасидаги баҳсда эса ҳисоб очилмади. Бу ўйинда ҳам "Пахтакор-2002"ни фақат ғалаба қониқтирарди, бироқ Руфат Акрамхўжаев шогирдларига бироз омад етишмади. 1997/98йилларда туғилган футболчиларимиз эса 0:2 ҳисобида имкониятни бой бериб, бу жамоамиз ҳам шаҳар чемпионатида иккинчи ўринни қўлга киритди.