26 ноябрь куни «Чиғатой» ўқув базасида Ўзбекистон ногирон-ампутантлар терма жамоасини Жаҳон чемпионати баҳсларига кузатишга бағишланган тадбир бўлиб ўтди.
Мазкур тадбирда Ўзбекистон Футбол Федерацияси президенти Мираброр Усмонов, ЎФФ Терма жамоалар маркази директори Асқар Толибжонов, Ўзбекистон миллий терма жамоаси бош мураббийи Миржалол Қосимовлар иштирок этишди.
Аввалроқ хабар берганимиздек, Ўзбекистон ногирон-ампутантлар терма жамоаси 28 ноябрь куни Мексикада старт оладиган навбатдаги жаҳон чемпионати баҳсларида иштирок этади ва амалдаги жаҳон чемпиони номини ҳимоя қилади.
ЎФФ президенти Мираброр Усмонов ногирон-ампутантлар ўртасидаги навбатдаги жаҳон чемпионати баҳсларида Ўзбекистон терма жамосига омад тилади. Амалдаги жаҳон чемпиони саналадиган терма жамоага Мексика майдонларида муваффақиятли иштирок этиб, юртимизга ёруғ юз ва навбатдаги олтин медаллар билан қайтишини тилади.
Эслатиб ўтамиз, Ўзбекистон ногирон-ампутантлар терма жамоаси қиладиган жаҳон чемпионатида иштирок этиш учун 26 ноябрь куни кечкурун Мексиканинг Кулиакан шаҳрига учиб кетди. Мавзур Умархўжаев бош мураббийлигидаги терма жамоа мусобақанинг «А» гуруҳида 28 ноябрь куни иштирокни бошлайди.
