«Реал» клуби УЕФА призеденти Мишель Платинининг «Олтин тўп»ни қўлга киритиши керак бўлган номзодлар ҳақидаги фикрларига ўз расмий муносабатини билдирди.
«Биз «Олтин тўп»ни ким ютиш кераклиги ҳақидаги нохолис фикрлардан ҳайратга тушдик. Айниқса, УЕФА раҳбари бу борада, назаримизда, нейтрал позицияда бўлиши керак. «Олтин тўп» – бу жамоавий соврин эмас, ҳар йили дунёнинг энг кучли футболчисига топшириладиган совриндир. Сўровномада иштирок этаётганлар футболчининг индивидуал хусусиятларини инобатга олишлари керак. Ушбу йилда дунёнинг энг яхши футболчиси Криштиану Роналду бўлганига биз шубҳа қилмаймиз», – дейилади "Қироллик клуби" баёнотида.
