Футбол мактаблари ўртасида ўтказилган Тошкент шаҳар чемпионати якунига етмоқда.

Олдинда бир неча қолдирилган учрашувлар бўлса-да, "Пахтакор" академияси тарбияланувчилари эгаллаган ўрин аниқ бўлиб улгурди. 6 ёш тоифасидан 4тасида ёш футболчиларимиз шаҳар чемпионлигини қўлга киритишди. 1999 (Рустам Қурбонбоев), 2000 (Темур Олимхўжаев), 2001 (Станислав Кудряшов) ва 2003 (Дмитрий Ан) йилда туғилган ўйинчилардан иборат жамоалар Тошкент шаҳар чемпионига айланишди. Қурбонбоев ва Олимхўжаев шогирдлари ўз ёш тоифасида мамлакат чемпионатида ҳам зафар қучишди.

2002 йилда таваллуд топган тарбияланувчиларимиз (Руфат Акрамхўжаев) "Бунёдкор"дан ортда қолди. 1997/98 йилларда туғилган футболчилар жамоаси эса 3-ўрин билан кифояланди. Мавсум мобайнида бу жамоага Анвар Ҳафизов бошчилик қилган бўлса, мавсум якунида Жасур Абдураимов ва Виктор Шимяков ушбу жамоада фаолият юритди.