2014 йилда Осиёнинг энг яхши футболчиси унвонига номзод бўлган Носир Ал Шамроний Осиё чемпионлар лигасининг 8та ўйинига дисквалифакиция қилинди.
"Ал Ҳилол"нинг 25 ёшли футболчиси Осиё чемпионлари лигаси финалининг жавоб учрашувида "Вестерн Сидней Уондерерс" футболчиси Мэтью Шпирановичнинг юзига тупурди ва калласи билан зарбаберди. Ал Шамроний бу ишини рақиби ўзини ҳақорат қилгани билан изоҳлаган. "Ал Ҳилол" икки учрашув якунига кўра, 0:1 ҳисобида мағлуб бўлган.
Таъкидлаш жоиз, бу жазо фақат Осиё чемпионлари лигасига таалуқли. Шу тариқа Ал Шамроний январь ойида бўлиб ўтадиган Осиё кубогида Саудия терма жамоасига ёрдам бера олади.
