"Реал" бош мураббийи Карло Анчелотти ноябрь ойи якунларига кўра ойнинг энг яхши мураббийи дея эътироф этилди. Бу ҳақда лига расмий сайти хабар бермоқда.
Итальян мутахассиси ушбу совринни кетма-кет иккинчи ой қўлга киритмоқда. 55 ёшли мураббий октябрда ҳам Ла-лиганинг энг яхши мураббийи номига сазовор бўлганди.
Эслатиб ўтамиз, Мадрид клуби ўтган ойда 12 имкониятдан 12 очко ишлаган бўлиб, 15 бор рақиблар дарвозасини ишғол этган. Бундан ташқари, "Реал" мавсумда кетма-кет 17 ўйинни ғалаба якунлаган ва ушбу серия ҳамон давом этмоқда.
Испания биринчилиги жадвалида "Қироллик клуби" 13 ўйинда 33 очко ишлаган ҳолда биринчи ўринда турибди.