Аргентина футболида яна бир футболчи ишқибозларнинг тартибсизлиги қурбони бўлди, дея хабар беради Cadena 3.
Бу сафар "Чакарита" ишқибозлари "Тиро Федераль де ла Роха" футболчиси Франко Антонио Ниетони ғишт билан уриб ўлдирдилар.
Ҳаммаси 29 ноябрь куни Аргентина 3-дивизионинг "Чакарита" ва "Тиро Федераль де ла Роха" клублари ўртасидаги учрашувдан кейин содир бўлди. Ўйин тугашига 15 дақиқа қолганида футолчиларнинг муштлашуви туфайли ҳакам ўйинни тўхтатишга мажбур бўлди. Натижада "...ла Роха"нинг бир футболчиси майдондан четлатилди.
Учрашувдан сўнг Нието уйига машинасида қайтаётган эди, йўлда "Чакарито" ишқибозлари унга бирнеча зарба етказдилар ва ғишт билан бошига урдилар. Нието ҳушидан кетди ва бир неча кундан сўнг шифохонада вафот этди.
Эслатиб ўтамиз, Аргентинанинг "Барра брава" ишқибозлар клуби тартибсизлик ва зўравонлиги билан танилган.
