"Манчестер Сити"клуби ва Англия терма жамоаси посбони Жо Харт клуб билан шартномасини 5 йилга узайтиради, дея хабар беради "Таймс" газетаси.
Яқин вақт ичида имзоланадиган янги шартномага кўура, 27 ёшли дарвозабон 2019 йилгача 31 миллион фунт ишлаб топади.
Харт "Манчестер Сити"га 2006 йилда "Шрусбери Таун"дан келиб қўшилган эди. "Транмир Роверс" (2007), "Блэкпул" (2007) ва "Бирмингем" (2009-2010) клубларига ижарага берилган. 2010 йилдан Харт "Манчестер Сити"нинг асосий даврвозабони ҳисобланади. У клуби сафида 220 га яқин, Англия термасида эса 48та учрашув ўтказган.













