Клублар ўртасидаги жаҳон чемпионати бошланди. Дастлабки плей-офф баҳсида Марокашнинг "Муғриб Татуан" ва Янги Зеландиянинг "Окленд Сити" жамоалари тўқнаш келишди.
Ўйиннинг асосий ва қўшимча бўлимларида ҳисоб очилмади. Пенальтилар сериясида эса океанияликлар омадлироқ чиқишди — 4:3.
Хабарингиз бор, янги зеландияликлар 4 декабрь куни Ўзбекистон терма жамоаси билан назорат учрашувини ўтказишганди ва ўша ўйинда ҳам ҳисоб очилмаганди.
"Окленд" чорак финалда Африка чемпиони — Жазоирнинг "Сетиф" клубига қарши баҳс олиб боради. Иккинчи чорак финалда "Крус Асул" (Мексика) ва "Вестерн Сидней Уондерерс" (Австралия) жамоалари майдонга чиқадилар. Бу ўйинлар 13 декабрь кунига белгиланган.
