УЕФА президенти Мишель Платини ФИФА президенти Йозеф Блаттерни танқид қилиб чиқди. Блаттер келаси йили бўлиб ўтадиган ФИФА президентлиги учун ўз номзодини қўйган.
«1998 йилда мен уни қўллаб-қувватлагандим, боиси ўша пайтда уни тўғри номзод деб ҳисоблаганман. Кетма-кет 5та муддатдан кейин янги қарорлар керак. У ўз лавозимини янги одамга қолдириши керак. Ҳозир ФИФАнинг обрўси тушиб кетган. Шу боис, назаримда, Блаттер кетиши керак. Лекин ундай қилмоқчи эмас.
Қайси номзодни қўллаб-қувватлайман? (Блаттердан ташқари ФИФА президенти лавозими учун Жером Шампань ҳам даъвогарлик қилмоқда – Sports.ru). Ҳеч кимни», – дейди Платини.
