Каталониянинг "Барселона" клуби ярим ҳимоячиси Андрес Иньеста плей-офф босқичида жавоб учрашувини ўз уйида ўйнашни истаётганини таъкидлади.
"Биз "ПСЖ"ни ҳайрон қолдирмоқчи эдик. Бўш зоналар орқали тезкор ҳужум уюштиришни режалаштирган эдик. Ўйлайманки, ушбу режамиз амалга ошди. Биз биринчи бўлиб гол ўткакзиб юборган бўлсак ҳам, ўйинни ўз фойдамизга ҳал қила олдик. "ПСЖ" - ажойиб жамоа ва биз уларни мағлуб этишимиз учун ўзимизнинг энг яхши ўйинимизни ўтказишимиз керак эди", - дейди "Барселона" ярим ҳимоячиси.
"Плей-офф босқичида албатта, жавоб учрашувини ўз майдонимизда ўйнашимизни истардим. Умуман, биз жавоб ўйинини меҳмонда ўйнаб ҳам бир неча марта кейинги босқичга чиққанимизни кўпчилик билади. Умуман олганда, биз гуруҳда биринчи ўринни қўлга киритдик ва мухлисларимиз албатта бизга "Камп Ноу"да катта ёрдам берадилар.