Криштиану Роналду «Ан-Наср»нинг кетма-кет иккинчи ўйинини ўтказиб юборади. Пайшанба куни 41 ёшни қарши олган португалиялик юлдуз Про-лиганинг навбатдаги тури доирасидаги «Ал-Иттиҳод»га қарши баҳсда майдонга тушмайди.
Машҳур инсайдер Фабрицио Романонинг хабар беришича, Роналдунинг «Ан-Наср» клубига нисбатан ҳеч қандай эътирози йўқ. Футболчининг норозилиги фақатгина Саудия Арабистони Суверен жамғармаси (PIF) билан боғлиқ. Айнан шу сабабли Криштиану бойкотни давом эттирмоқда.
Саудия Арабистони Суверен жамғармаси Про-лиганинг тўртта клубини бошқаради. Роналдунинг ҳисоблашича, жамғарма «Ал-Ҳилол»га кўпроқ маблағ ажратмоқда ва бу «Ан-Наср»нинг спорт соҳасидаги истиқболларига салбий таъсир кўрсатмоқда.
