Якунланган мавсумнинг иккинчи ярмидан бошлаб "Навбаҳор"да ўйнаган украиналик футболчи Руслан Качур навбатдаги мавсумни ўз юртида бошлашга яқин турибди.
Украина Иккинчи лигаси вакили — Черкасск шаҳрининг "Днепр" жамоаси Качурни ўз сафига чорламоқда. Руслан айнан шу жамоа тарбияланувчиси ҳисобланади ва ўзининг профессионал фаолиятини ушбу клубда бошлаган.
Качур "Навбаҳор" сафида 12та ўйинда майдонга тушиб, 5та гол урди. Ҳужумчи 2003 йилдан бери Украина чемпионатида 150та ўйинда 52та гол урган.
Черкасскнинг "Днепр" клуби мавсумнинг ярмига келиб Иккинчи лигада 2-ўринда бормоқда.
