Молдавия ички чемпионати ҳисобланмиш Миллий Дивизионнинг 17 турида “Академия” ва “Саксан” жамоалари ўзаро учрашагн ўйин вақтида илгари ҳеч кузатилмаган ғаройиб воқеа кузатилди.
Ушбу ўйиннинг биринчи таймида майдон марказида тўп учун курашаётган икки рақиб футболчисининг бутсалари бир-бирига ёпишиб қолди. Бу вазият туфайли учрашув ҳаками маълум муддатга танаффус эълон қилишга мажбур бўлган ҳамда бошқа футболчиларнинг ёрдами билан бутсалар бир-биридан ажратилгач, ўйин давом эттирилган.
Маълумот учун, ушбу баҳс меҳмонларнинг 1:0 ҳисобидаги ғалабаси билан якунланган.
