"Манчестер Юнайтед" ҳужумчиси Робин ван Перси ўзининг ҳозирги жисмоний ҳолати ҳақида фикр билдирди.
"Мавсум старти қийин бўлди. Билмадим, нега, аммо жаҳон чемпионатидан сўнг ўйнаш қийин бўлади. Мен сўнгг вақтларда бешта мусобақада иштирок этдим - учта Европа чемпионати ва иккита жаҳон чемпионатида. Шу тажрибамдан келиб чиқиб, айтишим мумкинки, бундай мусобақалардан сўнг ўйнаш осон бўлмайди, ҳатто соғлом ва яхши жисмоний ҳолатда бўлсам ҳам.
Ўйлашимча, ҳаммаси жисмоний тайёргарликдан бошланади, чунки соғлом ва формада бўлсанг, кўпроқ ишларни бажара оласан. Охирги ҳафталарда ўзимни зўр ҳис қиляпман. Кўпроқ югура оладиган ва охирги сонияларгача ўйнай оладигандай ҳис қиляпман. Гол ура бошлаганим тасодифдан эмас", - дейди Ван Перси.