“Насаф”нинг Осиё Чемпионлар Лигасини гуруҳ босқичидан бошлаши барча муҳлислар учун қувончли хабар бўлди десак муболаға бўлмайди. Биз ҳам сайтимиз ижодкорлари билан мусобақага тайёргарликни бошладик. Бугун гуруҳдаги навбатдаги рақибимиз Эроннинг “Тракторсози” жамоаси ҳақида имкон қадар маълумот берамиз.
Жамоа 1970-йилда ташкил топган ва Табриз шаҳри шарафини ҳимоя қилади. Жамоанинг рамзи “Қизил бўрилар” (маҳаллий тилда “Qırmızı Qurtlar”).
“Тракторсози” Табриз шаҳридаги “Sahand Stadium” (тўлиқ номи ” Yadegar-e-Emam Stadium”) стадионида уй учравшувларини ўтказади. Стадион ўз бағрига 80.833 томошабинни сиғдира олади.
Жамоа ўйин сифати билан бирга ўз брендига ҳам юқори савияда эътибор қаратган. Футболчилар спорт кийимлари клуб логотипи ва мамлакат байроғига ҳамоҳанг ишланган.
Уйда |
Меҳмонда |
Қўшимча форма |
Жамоа нафақат Эронда ва балки, Туркия ва Озарбайжонда ҳам ўзининг содиқ мухлисларига эга.
Жамоа 2008-09 йилги мавсумда 7 йиллик танаффусдан сўнг яна Эрон Про Лигасига қайтди ва шундан сўнг уларда ўсиш кузатилди. Жамоа Элитага қайтишидаёқ 7-поғонани банд этди. Кейинги икки мавсумда эса 5-поғонада қолди ва ўз тарихида илк бор ОЧЛ йўлланмасини қўлга киритди. Шунингдек 2013-14 йилги мақсумда “Hazfi Cup” бош соврини соҳибига айланди.
Жамоа таркибида бир қанча легионерлар тўп суришмоқда қуйида улар билан танишиб олишингиз мумкин:
Радамеш МартенисЯрим ҳимоячи
(тўлиқ исми Radamés Martins Rodrigues da Silva)
1986-йил 17-апрелда Рио де Жанейрода туғилган
Фуқаролиги: Бразилия
Бўйи: 180 см
Исса НдоеДарвозабон
1985-йил 12-декабрда Сенегал давлатида таваллуд топган
Фуқаролиги: Сенегал
Бўйи: 201 см
Дитмар БичайҲимоячи
1989-йил 26-февралда Албаниянинг Тирана шаҳрида таваллуд топган
Фуқаролиги: Албания
Бўйи: 193 см
ЭдиниёҲужумчи
(тўлиқ исми Eder Luciano )
1982-йил 31-майда Бразилиянинг Cariacica шаҳрида таваллуд топган
Фуқаролиги: Бразилия
Бўйи: 177 см
Бу футболчиларнинг ҳар бири ҳақида кейинроқ алоҳида маълумот бериб ўтамиз.
Эслатиб ўтамиз Жамоа бу йил Про Лигада анчагина кучли ўйин кўрсатмоқда. Буни жамоанинг турнир жадвалидаги эгаллаб турган ўрни ҳам кўрсатиб турибди. Тўлиқ жадвал билан қуйида танишиб олишингиз мумкин:
| Ўрни | Жамоа | Ўйин | Ю | Д | М | К/г | Ў/г | Т/н | Очко | |
|---|---|---|---|---|---|---|---|---|---|---|
| 1 | Нафт Теҳрон | 17 | 9 | 6 | 2 | 24 | 13 | +11 | 33 | |
| 2 | Сепахон | 17 | 9 | 6 | 2 | 26 | 16 | +10 | 33 | |
| 3 | Тракторсози | 17 | 9 | 4 | 4 | 32 | 20 | +12 | 31 | |
| 4 | Фулад | 17 | 9 | 4 | 4 | 18 | 12 | +6 | 31 | |
| 5 | Истиқлол | 17 | 8 | 4 | 5 | 29 | 22 | +7 | 28 | |
| 6 | Сайпа | 17 | 6 | 6 | 5 | 17 | 13 | +4 | 24 | |
| 7 | Саба Қом | 17 | 6 | 6 | 5 | 19 | 20 | −1 | 24 | |
| 8 | Персаполис | 17 | 6 | 4 | 7 | 19 | 21 | −2 | 22 | |
| 9 | Зобахон | 17 | 5 | 6 | 6 | 20 | 18 | +2 | 21 | |
| 10 | Падидеҳ | 17 | 4 | 8 | 5 | 16 | 17 | −1 | 20 | |
| 11 | Шарқий Хузистон | 17 | 3 | 9 | 5 | 22 | 23 | −1 | 18 | |
| 12 | Пайкан | 17 | 4 | 6 | 7 | 9 | 15 | −6 | 18 | |
| 13 | Гостареш | 17 | 3 | 7 | 7 | 16 | 25 | −9 | 16 | |
| 14 | Раҳахон | 17 | 4 | 4 | 9 | 15 | 25 | −10 | 16 | |
| 15 | Нафт Масжед Солейман | 17 | 2 | 8 | 7 | 11 | 23 | −12 | 14 | |
| 16 | Малаван | 17 | 1 | 8 | 8 | 13 | 23 | −10 | 11 |
Яна шуни қўшимча қилиш керакки жамоа Про Лиганинг навбатдаги тур учрашувида “Зобахон”ни 2:1 ҳисобида мағлуб этган.
Интернет сайтларидаги маълумотларга таяниб
Азамат Умаров тайёрлади.
