2014 йилнинг 12 декабрь куни Гонконгда дзюдо бўйича ёшлар ўртасидаги VIII Осиё чемпионати ўз ниҳоясига етди. Қитъамизнинг биринчилиги медалларини қўлга киритиш учун мусобақага 18 та давлат дзюдочилари ташриф буюришди.
Ўзбекистон дзюдо уюшмаси матбуот хизматининг ахборот беришича, Ўзбекистон ёшлари бу мусобақада турли қийматдаги 6 та медални қўлга киритдилар. Муҳаммад Хуррамов (81 кг гача вазн) ва Урал Хусанов (90 кг гача) олтин медаллар, Хуршид Қодиров (50 кг гача) ва Маҳлиё Маннонова (57 кг гача) кумуш медаллар ҳамда Нодира Йўлдошева (70 кг гача) ва Давлата Бобонова (73 кг гача) бронза медаллар соҳибига айланишди. Бу натижа Ўзбекистон жамоасига умумжамоа ҳисобида Мўғулистон жажоаси билан биргаликда 2-ўринни эгаллашга имкон берди. Дзюдо ватани ҳисобланган Япония вакиллари умумжамоа ҳисобида мусобақанинг мутлақ чемпионлари бўлишди. Улар ҳисобида 5 та олтин, 4 та кумуш ва 1 та бронза медаль бор.
