Якшанба куни биринчи йиғинни бошлаган "Пахтакор" хорижда иккита ўқув-машғулот йиғинида иштирок этади.

14-29 декабрь кунлари биринчи босқич Тошкентда олиб борилади. Охирги куни назорат ўйини ўтказиш кўзда тутилган. Унгача эса енгил жисмоний машқлар бажарилиб, тренажёр залида шуғулланилади. 3-13 январь кунлари иккинчи босқич Тошкент ва Қибрайда ўтказилади.

14 январь куни эса жамоа Туркиянинг Анталия шаҳрига йўл олади. У ерда 27 январь куни тугайдиган йиғинда 4та назорат учрашуви ташкил этилади. Қисқа муддат Тошкентда шуғулланилгач, 3 февраль куни яна Анталияга жўнаб кетилади. 17 февраль куни Туркия йиғини якунига етиб, "Пахтакор" Тошкентга қайтиб келади. 24 февраль куни Чемпионлар лигасининг 1-турида "Пахтакор" стадионида жамоамиз илк расмий беллашувни ўтказади.

Тайёргарлик режаси
14-29 декабрь Тошкент
3-13 январь    Тошкент ва Қибрай
14-27 январь Анталия (Туркия)
29 январь - 2 февраль Тошкент
3-17 февраль Анталия (Туркия)