"Ливерпуль" бош мураббийи Брендан Роджерс жамоанинг 20 ёшли ҳужумчиси Раҳим Стерлинг билан тузилажак янги шартнома борасида фикр билдирди.

"Раҳим - жамоанинг рамз ва тимсолларидан бири. У бизнинг жамоамиздаги ўйинчиларнинг ривожи натижасидир. Болалар жамоасидан дунёнинг энг яхши ёш ўйинчиларидан бирига айланди. Клуб у билан келишиш учун ҳамма нарса қилади. Раҳим "Ливерпуль"ни севади ва у бу ерда бахтиёр. Ишонаманки, келишув амалга ошади ва у фаолиятини шу ерда давом эттиради.

Шартнома билан боғлиқ воқелар унинг ўйинига таъсир қилади деб ўйламайман, Раҳим ундайлардан эмас. У бу ишни ўз вакилларига топширган ва вазиятга аралашмаяпти. Менинг ундай сўрайдиганим - диққатини ўйинга қаратиш, тайёрланиш. Кейин ҳаммаси яхши бўлади", - дейди Роджерс.

Эслатиб ўтамиз, Стерлинг билан тузилган шартнома 2017 йилда ниҳоясига етади. Яқинда футболчи ҳафталик маоши 70 минг фунтга оширилган янги шартномаг имзо чекишни истамади, бу пуллар ҳозиргисидан икки баробар кўпдир.