2014 йил якунларига кўра эришган юксак натижалари учун енгил атлетикачиларимиз – Светлана Радзивил, Екатерина Воронина ва Леонид Андреевга “Спарк” автомобиллари, бир қатор етакчи спортчи ва мураббийларга эса пул мукофотлари топширилди. Бу ҳақида “olamsport.com” сайти хабар беради.
Хабарда айтилишича, енгил атлетикачиларни тантанали тақдирлаш маросими 17 декабрь куни пойтахтимиздаги “Бунёдкор” стадионида бўлиб ўтган ва маросимда Ўзбекистон Маданият ва спорт ишлари вазирлиги ҳамда Миллий олимпия қўмитаси мутасаддилари, спортчилар жам бўлишган.
Дастурда Рашид Холиқов, Алишер Файз, Райҳона сингари эстрада юлдузлари ҳам қатнашиб, ўз қўшиқлари билан тадбирга байрамона руҳ олиб киришган.
