Клублар ўртасидаги жаҳон чемпионати финалида Мадриднинг "Реал" клубига қарши ўйнайдиган "Сан Лоренцо" клуби раҳбарияти учрашув ҳакамлари испанияликларга ён босишидан ҳавотирда эканини таъкидлади.

"Сан Лоренцо" клуби президенти Матиас Ламменс ўз жамоасининг ярим финалда "Окленд Сити"га қарши баҳсдаги ҳакамликдан норози бўлган. Аргентина клуби президентининг таъкидлашича учрашувни бошқариб борган австралиялик ҳакам Бенжамин Уильямс бутун ўйин давомида фақат "Окленд Сити" фойдасига хуштак чалган. Финал учрашувини эса  Педро Проенса бошчилигидаги португалиялик ҳакамлар бригадаси бошқариб бориши ҳақида маълумотлар пайдо бўлди.

"Ҳеч ким "Реал"нинг имкониятлари имкониятлари ҳақида шубҳа қилмайди. Шунингдек, улар ғалаба қозонишлари учун ўз манфаатлари йўлида ҳар нарсага қодир эканлигини ҳам. Финални европалик ёки жанубий америкалик ҳакам бошқармаса мантиқан тўғри бўлар эди", - дейди Ламменс.