“Реал” ярим ҳимоячиси Тони Кроос клублар ўртасидаги жаҳон чемпионатида ғалаба қозонди. Унинг жамоаси кеча ўтказилган финалда “Сан-Лоренсо”ни мағлубиятга учратди – 2:0.

Немис ярим ҳимоячиси совринни кетма-кет икки марта қўлга киритган тарихдаги биринчи футболчига айланди. У ўтган йили “Бавария” билан ҳам бу турнирда муваффақиятга эришганди.

“Реал” форварди Криштиану Роналду ҳам бу совринни иккинчи марта қўлга киритди. У 2008 йилда “Манчестер Юнайтед” билан клублар ўртасида жаҳон чемпиони бўлганди.

Иккита клубда бу турнирда ғалаба қозонган футболчилар қаторида яна қуйидаги футболчилар бор: Дида (“Коринтианс” ва “Милан”), Данило (“Сан-Паулу” ва “Коринтианс”) ҳамда Тиаго Алькантара (“Барселона” ва “Бавария”).