Германиялик энг таниқли топ-моделлардан бири Жордан Карвер Дортмунднинг "Боруссия" клуби ярим ҳимоячиси Марко Ройсга унинг шахсий ҳайдовчиси бўлиш истагида эканлигини айтди.

Таниқли модель германиялик футболчининг сўнгги пайтда қийин аҳволга тушиб қолганидан ранжиган ва унинг кайфиятини кўтаришни мақсад қилган. Карвер агар Ройс истаса унинг шахсий ҳайдовчиси бўлишга рози эканлигини айтган.

"Азизим, севгилим Марко. Агар истасанг сенинг шахсий ҳайдовчинг бўламан, агар истасанг ҳатто ҳайдовчилик гувоҳномасини олишга ёрдам бераман. Аммо, бунинг учун сен менинг икки шартимдан бирига рози бўлишинг керак: "Ёки мени севасан, ёки "Боруссия"дан "Бавария"га ўтасан. Мен бироз қизғанчиқман, аммо ҳар икки вариант ҳам яхши", - дейди Карвер.

Эслатиб ўтамиз, Марко Ройс ўтган ҳафта автомобилини ҳайдовчилик гувоҳномасиз ҳайдагани учун 540 минг евро жаримага тортилган эди.