"Манчестер Сити" яримҳимоячиси Фрэнк Лэмпард фаолиятини клубда давом эттирадиган бўлди.
The Mirror хабарига кўра, "Нью-Йорк Сити"га тегишли бўлган 36 ёшли футболчи Англия жамоасидаги ижара муддатини узайтиришга рози бўлди.
Эслатиб ўтамиз, Лэмпард январь ойида америкаликлар сафига қўшилиши керак эди. "Ман Сити" бош мураббийи Мануэль Пеллегрини футболчини жамоада олиб қолишни истаётганини кўп бора таъкидлаган, аммо ҳали келишувга эришилмаганини айтиб ўтган эди.