Хитой терма жамоаси бош мураббийи Ален Перрин шогирдларининг Осиё кубоги-2015даги имкониятлари борасида ўз фикрларини билдириб ўтди.
Маълумот учун, Хитой терма жамоаси саралаш босқичида қийин гуруҳга тушиб қолди ва 3-ўринни эгаллаган жамоалар ўртасида энг яхши кўрсаткичга эга бўлган терма сифатида Осиё кубоги йўлланмасини қўлга киритди.
"Биз мусобақада фаворит ҳисобланмаймиз. Хитойнинг имконияттлар юқори эмас. Шуни айта оламанки, футболчилар қўлларидан келган барча ишни қилишади", - дейди француз мутахассиси.
Хитой 1976 йилдан бери мунтазам равишда қитъа чемпионатида иштирок этиб келади. Жамоа 1976 ва 2004 йилларда кумуш медалларини қўлга киритишган. Перрин ушбу натижаларни яна такрорлашга қарши эмас.
"Умид қиламан, бир неча ойдан бери олиб бораётган тайёргарлигимиз бизга гуруҳ босқичидан чиқишимизга ёрдам беради", - дейди Хитой бош мураббийи.
