"Манчестер Юнайтед" собиқ ҳимоячиси Гэри Нэвиллнинг фикрича, "Челси" устози Жозе Моуриньо унинг жамоасига қарши ҳакамларнинг ҳеч қандай келишуви йўқлигини яхши билади.
Эслатиб ўтамиз, 19-турда "Саутҳэмптон"га қарши учрашувдан сўнг(1:1), Моуриньо ҳакамларни танқид остига олган эди. Бу унинг охирги икки турдага иккинчи танқиди эди.
"У мавсумнинг қолган қисмига уруғ сепиб қўйди. Менимча Моуриньонинг сўзлари учун унга жарима солсалар керак. Жозе бу иши билан бунга чидай олмаслигини ҳакамларга билдириб қўйди. У қумга чизиқ билан чизгандай, бундай ишлар билан келиша олмаслигини айтиб қўйди.
Бу каби воқеалар чемпионик учун курашаётган жамоаларга хос. "Челси"га қарши ҳеч қандай келишув йўқлигини била туриб, ҳакамларга босим қилмоқчи бўлмоқда.Аммо бу ишни Моуриньонинг ўзидан бошқа ҳеч ким бажара олмайди", - дейди Гэри Невилл.
