Россиянинг “Рубин” клуби ўринбосарларида тўп сураётган ёш иқтидорли ярим ҳимоячи Бобур Давлатов айни пайтда уйида дам олмоқда.
Хорижда тўп сураётган энг ёш легионеримиз Россия Премьер-лигасининг ўринбосарлар лигасида иккинчи даврадан бошлаб тўп сура бошлади. Эътиборлиси, иккинчи даврада тўп суришга киришган Давлатов барча 13 та учрашувда майдонга тушди ва 4 маротаба рақиблар дарвозасини ишғол қилишни уддасидан чиқди. Айниқса, “Локомотив”га қарши кечган беллашувда у дубль қайд этди.
“Рубин” ёшлари билан эса мавсумни 5-ўринда тугатишни уддасидан чиқди. Энди ҳамюртимиз 8 январь куни Қозон шаҳрига учиб кетади ва янги мавсумга тайёргарликни бошлайди.
